miércoles, 21 de enero de 2015

Codificación para niñas y niños creativ@s

O xoves 22 de xaneiro de 2015 imos a Madrid a recoller a mención honorífica que nos otorgaron no II Premio GSD INNOVA. Esta é a presentación que levaremos. Unha pequeniña mostra dos traballos das nosas alumnas e alumnos sobre programación.
Os alumnos e alumnas controlan a súa aprendizaxe. Convírtense en creadores de contidos dixitais e non simple consumidores. 
Visitade o noso sitio web Coding in Arteixo para ver o resto de proxectos e saber máis do noso traballo.

viernes, 19 de diciembre de 2014

FELIZ ANINOVO. CEIP PONTE DOS BROZOS. 4º PRIMARIA

Os alumnos e alumnas de 4º E de E. Primaria do Ceip Ponte dos Brozos desexámosvos un moi feliz nadal e un ventureiro aninovo 2015 . Neste video podedes ver unha mostra do noso traballo de programación: "Codificando Postais de Nadal". Esperamos que vos gusten tanto como a nós!!



Aproveitamos para felicitar a Uxía Vázquez Crespi por ser a gañadora  do concurso convocado pola Biblioteca do centro: "Programa unha Postal de Nadal".  Parabéns por set unha fantástica creadora dixital!

Esta é a postal de Uxía Vázquez.

martes, 9 de diciembre de 2014

HORA DO CÓDIGO no cole

Mañá é o día escollido para participar na hora do código. Evento de carácter mundial que pretende achegar aos rapaces e rapazas e aos non tan rapaces a ciencia da computación e da programación. 

Que é a Hora do Código?

A Hora do Código é unha introdución dunha hora á ciencia computacional, deseñada para desmitificar a programación e demostrar que calquera pode aprender os conceptos básicos.

O obxectivo desta campaña popular é que decenas de millóns de estudantes proben "Unha hora de programación" entre o 8 e o 14 de decembro de 2014, en celebración da Semana da Educación das Ciencias Computacionais.

Cada estudante debe ter a oportunidade de aprender ciencias computacionais. Axuda a fomentar as habilidades de resolución de problemas, a lóxica e a creatividade. Ao introducilos cedo nas ciencias computacionais, terán unha base para o éxito en calquera carreira do século XXI.

A Hora do Código está organizada por Code.org, unha organización pública sen fins de lucro dedicada a ampliar a participación en Ciencias Computacionais e aumentando a participación das mulleres.

Apoian a Hora do Código empresas como Microsoft, Apple, Amazon, entre outras.


Nós xa estivemos practicando para mañá...


Natalia entre as 5 finalistas da Ciencia que Conta 2014

Hoxe temos mellores novidades. Natalia, de 4º E conseguíu entrar no grupo de finalistas deste ano da Ciencia que conta. O vindeiro 13 de decembro deberá ir á sede da Fundación Barrié en Vigo a recoller o seu premio. Non sabemos cal será, pero chegar á final galega xa é unha gran recompensa.
Parabéns, Natalia!!

Estes son os finalistas por orde alfabética:

lunes, 8 de diciembre de 2014

NATALIA, DE 4ºE FINALISTA NA CIENCIA QUE CONTA. BRAVO!!!


A Ciencia Que Conta é un concurso de relatos curtos relacionados coa ciencia. Organiza o grupo Divulgatia da Universidade de Vigo e colabora a Fundación Barrié, educaBarrié e a Xunta de Galicia. 

Os relatos non pretenden ser relatos de ciencia ficción nin artigos sobre ciencia nin meras descricións. Procúrase que –en función da idade-se desenvolva un relato curto ou conto a partir dun aspecto científico puntual ou da observación dalgún fenómeno ou experimento simple. Valorarase sobre todo a calidade do traballo e o acerto no contido científico.Os temas a desenvolver nos relatos poderían ter como punto de partida:

  • Historias de Ciencia: como se inventou algo, como se solucionou algún problema que había na sociedade utilizando a ciencia, un descubrimento, etc.
  • Traballo no laboratorio ou científico: cousas que pasan nun laboratorio, no traballo dun científico ou científica, nas exploracións da natureza, etc.
  • Experiencias: ficcións arredor de experiencias simples (ou caseiras), observacións da nosa vida cotiá (na rúa, na cociña, na praia, na festa, nas atraccións de feira, etc.).
  • Científicos e científicas: baseado en algún persoeiro científico, algún detalle da súa vida, algunha anécdota, como fixo algún descubrimento, como se lle ocurriu ou elaborou algunha teoría ou lei. Non debe ser unha mera descrición da súa vida. Valoraranse relatos que inclúan mulleres como protagonistas ou arredor de historias de mulleres.
  • Na web: http://www.cienciaqueconta.com pódense ler as publicacións resultantes dos concursos anteriores.
Pois Natalia Santos Allegue escribiu un xenial relato sobre a metamorfose e o xurado estimou que debía estar entre os finalistas. Parabéns, Natalia.!!!