martes, 16 de junio de 2015

Un artista na escola. PELÍCULA ESCRÍBESE CON TIL.

 Un ano mais colaboramos coa F. Barrié no proxecto ARTISTA NA ESCOLA. Neste curso queríamos traballar a acentuación e pensamos en crear unha Unidade Didáctica que mesturara cine e palabras agudas, graves e esdrúxulas. Convidamos a unha gran artista do audiovisual galego, chamada Cristina de la Torre. Ela foi quen nos asesorou e quen nos acompañou ao longo das diferentes sesións que levamos a cabo no centro.


A nosa proposta consiste en que o alumnado experimente un proceso de creación audiovisual poñéndoo ao servizo dun contido, neste caso da acentuación. Proporémoslle facer unha pequena curtametraxe escollendo entre tres xéneros: DOCUMENTAL / FICCIÓN / MUSICAL




A primeira sesión da unidade didáctica será polo tanto unha inmersión no proceso creativo audiovisual sen perder de vista que o obxectivo do traballo é reflexionar sobre a acentuación e a súa importancia para a comunicación. Desa primeira sesión sairá un guión consensuado entre tódolos participantes. O artista condutor da dinámica levará preparados unha serie de conflitos relacionados coa acentuación para inspirar os guións dos rapaces. A nós tocounos levar a escea PIRATAS DO CARIBE.



A segunda sesión estivo destinada á rodaxe e montaxe da peza audiovisual. Deben ser pezas moi sinxelas, mellor en plano secuencia, que poidan gravarse con móbiles ou cámaras de fotos e editadas nos propios dispositivos ou nalgunha das ferramentas 3.0 dispoñibles na rede. O obxectivo é que a unidade didáctica non estea condicionada pola disponibilidade de tecnoloxía na aula nin por parte do alumnado.




Na terceira sesión realizouse unha actividade de visualización, síntese e reflexión sobre as curtametraxes rodadas nas sesións anteriores.



Agora podedes ver os videos das distintas curtas que producimos. 

Aí ven de novo a til. 4º C



Esdrúxulas Piratas I. 4º E

 Esdrúxulas Piratas II. 4º E


 Gústache a til. 4º A


 Amor agudo. 4º D


A til desaparecida. 4º B




sábado, 14 de marzo de 2015

Para saber máis das máquinas...

Claudia preparou o tema de Coñecemento do medio coa app TOUCHCAST. É unha aplicación gratuita moi completa que permite facer videopresentacións e introducir elementos visuais como fotografías, videos,... O video que se crea permite ser compartido por correo ou gardarse no carrete. Unha marabilla. 

Se queredes saber máis das máquinas, tedes a oportunidade de ver o video. Grazas Claudia!!!